Visit Rio Minho Plus: Programa de formación e creación de experiencias turísticas sostibles

O programa está cofinanciado nun 75% polo Fondo Europeo de Desenvolvemento Rexional (FEDER) a través do programa Interreg VI-A España – Portugal (POCTEP) 2021-2027 e impulsado pola Axencia Turismo de Galicia.

Registro de empresa

Coñece o programa

Obxectivos do programa

O programa busca mellorar a competitividade do sector turístico na rexión transfronteiriza do río Miño mediante formación especializada, acompañamento e creación de novas experiencias turísticas. Pretende profesionalizar o sector, promover a innovación, integrar criterios de sustentabilidade e reforzar as capacidades dixitais das empresas para adaptarse aos mercados globais. Ademais, o programa pon o foco nas iniciativas turísticas innovadoras e nas novas oportunidades de mercado en destinos similares, co obxectivo de fortalecer a competitividade da rexión transfronteriza do río Miño (España e Portugal).

Beneficiarios

O programa diríxese a empresas e profesionais do sector turístico da zona do río Miño, tanto do lado galego como portugués. Inclúe operadores turísticos, pequenas empresas, produtores locais e outros axentes que queiran deseñar, comercializar ou reforzar experiencias turísticas sostibles na rexión.

Que ofrece o proxecto

Programa de formación combinada (presencial e en liña) cun total de 105 horas en módulos especializados e acceso a plataforma en liña con recursos didácticos. .
Visitas técnicas, autodiagnóstico empresarial e plans de mellora personalizados para cada entidade participante.
Sesións de mentoría individual, apoio na creación de novas experiencias turísticas.
Integración nun ecosistema colaborativo transfronteirizo e aliñado cos Obxectivos de Desenvolvemento Sostible.

Estrutura do programa

Inscrición e diagnóstico inicial

Na primeira fase, as empresas e profesionais inscríbense a través do formulario web, indican o tipo de actividade que desenvolven e aceptan os compromisos do programa. Unha vez admitidas, completan un autodiagnóstico en liña e reciben unha visita técnica na que se analizan instalacións, recursos, promoción, persoal e experiencias ofrecidas, para xerar unha primeira fotografía da situación da empresa.

Plan de mellora e itinerario formativo

Coa información do diagnóstico e da visita técnica, o equipo elaborará un plan de mellora personalizado con prioridades, accións recomendadas e calendario orientativo. De xeito paralelo, prepárase e adecúase o material formativo do programa, incorporando exemplos, casos e contidos inspirados na realidade do territorio do río Miño e nos perfís máis habituais das empresas participantes.

Participación nos cursos e traballo práctico

Na terceira fase, a persoa participante asiste aos cursos presenciais e accede á plataforma de formación en liña, onde atopará materiais, recursos e tarefas aplicadas ao seu negocio. Ao longo das sesións, irá deseñando ou mellorando unha experiencia turística propia, aplicando ferramentas de innovación, sustentabilidade e dixitalización traballadas en cada módulo.

Titoría individual e axuste da experiencia

Unha vez completada a parte principal da formación, a empresa recibe acompañamento e titoría individual para revisar o deseño da súa experiencia, resolver dúbidas e adaptar a proposta ao seu mercado obxectivo. Nesta fase axústanse aspectos como o relato, a estrutura da actividade, prezos, canles de comercialización e uso de ferramentas dixitais, en coherencia co plan de mellora.

Peche, avaliación e proxección

Na fase final, a empresa presenta a súa experiencia turística xa estruturada e lista para comezar a comercializarse ou pilotarse no destino. Recibe unha devolución sobre os resultados acadados no programa, formula novos pasos de mellora continua e incorpórase á rede de empresas do río Miño que están a xerar experiencias turísticas innovadoras e sostibles.

Duración do programa

Formación do programa

Plan Formativo

Este programa formativo fortalece as capacidades do sector turístico para crear, xestionar e comercializar experiencias innovadoras. Integra sustentabilidade, creatividade, marketing dixital, internacionalización e ferramentas tecnolóxicas, impulsando destinos e negocios con identidade, competitividade e proxección global.

Módulo 1. Deseño de experiencias turísticas innovadoras

Formación en turismo experiencial, metodoloxías de deseño, uso de canvas e storytelling para crear experiencias memorables aliñadas coa identidade da rexión.

Módulo 2. Turismo rexenerativo e sostible

Enfoque en turismo responsable e rexenerativo, boas prácticas en destinos fluviais e cocreación de experiencias sostibles con comunidades locais e visitantes.

Módulo 3. Márketing e comercialización dixital para o sector turístico

Ferramentas de márketing turístico, posicionamento web, SEO/SEM, redes sociais, contido dixital e campañas automatizadas para mellorar visibilidade e vendas.

Módulo 4. Internacionalización dos produtos turísticos locais

Claves para acceder a mercados internacionais, alianzas transfronteirizas na comarca miñota, participación en feiras e adaptación da oferta a diferentes mercados.

Módulo 5. Turismo cultural e creativo como motor do desenvolvemento local

Posta en valor do patrimonio cultural, turismo laranxa, deseño de rutas e produtos culturais e innovación en experiencias baseadas na identidade local.

Módulo 6. Uso de ferramentas dixitais para a xestión turística

Plataformas de reservas, CRM, análise de datos, automatización de procesos e nocións básicas de ciberseguridade para pequenas empresas turísticas.

Coñece ás persoas formadoras

Víctor Sixto

Director

Alexandra Touza

Formadora

Alaín Hervás

Formador

Tarina Lenk